Chanson nouvelle en patois de Lille chantée par la Société du chemin de fer (1851)

 

sur l'air de "Cocu, Cocu mon père"

 

PREMIER COUPLET

 

Linné passé, din Lille,

El jour du Rétaret,

Des habitants d' chel ville

S' sont bien fait distinguer

Par unne grande cavalcate

Ficelée din l' premier gout,

Dix fos comme l'Esplainatte,

A n'point vir eul debout.

 

DEUXIÈME COUPLET

 

Du côté d'l'Abattoire,

Quand qu'on a fait le mouv'mens,

Y avot, vous povez m' croire,

Eunne ribanbelle de gens.

On grimpot l'un sur l'aute,

Criant : "Les v'ià !. les v'ià !."

Falot vir Jeanne Maillotte,

Comme el marchot au pas.

 

TROISIÈME COUPLET

 

Finard et Lidérique,

Chés deux fameux lurons,

On l'sa promené din Lille

A hauteur des masons.

Mais Finard, par vieillesse,

In passant su l' Réduit,

Il a eu unne faiblesse

Qui s'a tout démolit.

 

QUATRIÈME COUPLET

 

Din cheul biel cavalcate,

On a vu r'présinté

Eunne marchante de couq-baques.

A un prix modéré.

Cheul journée, quel pique-nique

Pou l' cave des Quat'-Martiaux

De n' point vir ses pratiques

Autour de sin fourniau,

 

CINQUIÈME COUPLET

 

Au sujet d'cheul' grande fiette,

Y avot des quéteux

Qui alotte à lerquette

Pour tous les malheureux.

Chosse qui étot loyal,

Ché qu'un a fait, — honneur,

Disposer deux médailles

Pou les pu grands vinqueurs !

 

SIXIÈME COUPLET

 

Tous les gens du déhors.

Des villages et fourbous,

Pour vir chés biau décors

Sont accourus tertous.

Arrivé sur la Place,

Y nont rien eu pu qiau,

Qu'à crier tout inn'ache:

"A mon Dieu, comme chés biau! .."

 

SEPTIÈME COUPLET

 

Chet à nous impossible

De tout vous raconter,

Si fodrot tout vous dire,

Y arot pour unne journée.

A l' plache de boire un' goûte,

Accatez cheul canchon,

Avec unne pièche quatre doupes.

Vous l'arez tout du long !..